Եվրախորհրդարանը մերժել է ԵՄ-ի՝ առաջիկա 7 տարվա բյուջեի նախագիծը
BBC-ի փոխանցմամբ՝ Եվրախորհրդարանը ձայների ճնշող մեծամասնությամբ մերժել է ԵՄ-ի՝ առաջիկա 7 տարվա բյուջեի նախագիծը: Վերջինս համաձայնեցվել էր ԵՄ-ի անդամ երկրների ղեկավարների փետրվարյան գագաթաժողովում: Եվրախորհրդարանի պատգամավորները հայտարարել են, որ ներկայիս տեսքով այդ բյուջեն անընդունելի է:
Այդ գագաթնաժողովում տեղի ունեցած դժվարին բանակցություններից հետո որոշվեց, որ 2014-2020 թվականների բյուջեն պետք է կրճատվի ավելի քան 3 տոկոսով: ԵՄ-ի առաջնորդներն այսօր Բրյուսելում կմասնակցեն նոր գագաթաժողովի, որի օրակարգում, ինչպես ակնկալվում է, կլինեն ԵՄ-ի տնտեսական խնդիրները: Դա առաջին հերթին վերաբերում է կոշտ տնտեսական միջոցներին և գործազրկության դեմ պայքարին:
