Կոնսենսուս կա հայկական Արցախի պետականության կենսունակությունը վերադարձնելու ուղղությամբ. Աբրահամ Գասպարյան
Արցախի նախագահի մասնակցությամբ կայացած փակ հանդիպումն ավատվեց:
Հիշեցնենք, որ «Ժողովրդավարական համախմբում» կուսակցության նախագահն այսօր փակ հանդիպման էր հրավիրել Արցախի նախագահ Սամվել Շահրամանյանին, ԱՀ պատգամավորներին ու տարբեր հասարակական ու քաղաքական գործիչների:
Հանդիպմանը ներկա «Ջենեսիս Արմենիա» ուղեղային կենտրոնի և ABC media-ի ղեկավար Աբրահամ Գասպարյանը հանդիպումից մանրամասներ չներկայացրեց՝ ասելով.
«Ընդամենը կարող եմ ասել, որ բոլոր մասնակիցներն ունեն մեկ կոնսենսուս, որ Արցախը հայկական է, և մեր բոլոր ջանքերն ուղղելու ենք Արցախի պետականության կենսունակությունը վերադարձնելուն»։
Հարցին՝ արդյոք Արցախի ինքնորոշման իրավունքի հարցը եղե՞լ է քննարկման օրակարգում, Գասպարյանը կարճ պատասխանեց. «Արցախի պետականության կենսունակության վերադարձի համար պետք է ջանքերը համատեղել»:
Ավելի վաղ Գասպարյանը լրագրողների հետ զրույցում համոզմունք էր հայտնել, որ երկրում ստեղծված խնդիրները հնարավոր կլինի լուծել, եթե լինի միևնույն գաղափարի իրականացման ջանքերի համատեղում և կոնսենսուս:
Մանրամասները՝ տեսանյութում:
Նազելի Ստեփանյան
