Անվանվել է քրոնիկական հոգնածության և թուլության ոչ ակնհայտ պատճառ
Բժիշկ Ռեյչել Ուորդը և սննդաբան Լուիզ Փայնը նշում են, որ քրոնիկական հոգնածության և էներգիայի պակասի անհայտ պատճառներից մեկը վիտամին B12-ի պակասն է: Նրանց կարծիքը հրապարակել է The Sun-ը:
Ուորդը նշել է, որ վիտամին B12-ն անհրաժեշտ է արյան կարմիր բջիջների և նյարդային բջիջների արտադրության համար, ինչպես նաև մասնակցում է իմունային համակարգի աշխատանքին։
«Դեֆիցիտը հանգեցնում է նյարդաբանական ախտանիշների, ինչպիսիք են՝ թմրությունը, անհավասարակշռությունը, քնկոտությունը, շփոթվածությունը, ցրվածությունը»,– ըստ shantnews-ի՝ ասել է նա:
Ուորդի խոսքով, մարդիկ, ովքեր B12-ի պակաս ունեն, հաճախ դժգոհում են հոգնածությունից և թուլությունից: Դա պայմանավորված է արյան կարմիր բջիջների պակասով, որոնք թթվածին են տեղափոխում ամբողջ մարմնով:
