Ուկրաինան պատրաստվում է նշել Կիևյան Ռուսիայում քրիստոնեության ընդունման 1025-ամյակը
Ռուսական Интерфакс լրատվական գործակալության փոխանցմամբ՝ Ուկրաինան պատրաստվում է նշել Կիևյան Ռուսիայի մկրտության 1025-ամյակը (988 թվական): Այս մասին հայտարարել է Ուկրաինայի նախագահ Վիկտոր Յանուկովիչը՝ ընդգծելով, որ այդ հարցում չկան տարաձայնություններ:
Նա հավելել է, որ նախապատրաստական աշխատանքներով զբաղվում են կազմակերպչական խորհրդի անդամները և մոտ ժամանակներս կհաստատվի տոնի նախապատրաստական պլանը: Յանուկովիչի խոսքերով՝ իրենք այդ տոնի կապակցությամբ բազմաթիվ հյուրեր են հրավիրելու Ուկրաինա:
Նշվում է, որ տոնական միջոցառումներն անցկացվելու են Ուկրաինայի յուրաքանչյուր բնակավայրում: Ավելի վաղ նշվում էր, թե այդ միջոցառումներին մասնակցելու նպատակով Ուկրաինա կարող է ժամանել նաև Հռոմի պապը:
