Փրկարարները Գյումրիի բնակարանում հայտնաբերել են 55-ամյա կնոջ դին
Փետրվարի 25-ին, ժամը 16.46-ին ահազանգ է ստացվել, որ Շիրակի մարզի Գյումրի քաղաքի Մուշ 2 թաղամասի թիվ 30 շենքի 16-րդ բնակարանի բնակիչը չի արձագանքում դռան թակոցներին և հեռախոսազանգերին. անհրաժեշտ է փրկարարների օգնությունը:
Դեպքի վայր է մեկնել մարզային փրկարարական վարչության փրկարար ջոկատը:
Փրկարարները բացել են Մուշ 2/4 թաղամասի թիվ 39 շենքի 16-րդ բնակարանի դուռը. մահճակալին հայտնաբերվել է 1958 թ. ծնված Սուսաննա Պետրոսյանի դին:
