Մոգադիշոյում տեղի ունեցած պայթյունների հետևանքով կան զոհեր
Սոմալիի մայրաքաղաք Մոգադիշոյում հոկտեմբերի 29-ին երկու հզոր պայթյուն է որոտացել:
Ինչպես հաղորդում է «ՏԱՍՍ»-ը, այս մասին հայտնում է Somali Guardian-ը:
Լրատվականի տվյալներով՝ պայթյունն իրականացրել են «Ալ-Շաբաբ» ահաբեկչական խմբավորման զինյալները՝ հարձակում գործելով տեղի Կրթության նախարարության շենքի վրա: Սոմալիի Shabelle Media Network լրատվականն էլ հայտնում է, որ ահաբեկչական խմբավորման զինյալներին հաջողվել է մուտք գործել նախարարության շենք:
Այժմ շենքի ներսում ինտենսիվ փոխհրաձգություն է ընթանում զինյալների և անվտանգության աշխատակիցների միջև: Ըստ լրատվականի՝ բազմաթիվ զոհեր կան:
