«Հանուն իմիշխանության, բռնապետիկը զոհաբերում է Արցախն ու Հայաստանի ինքնիշխանությունը». Ավետիք Իշխանյան
Ավետիք Իշխանյանը ֆեյսբուքյան իր էջում գրել է․ «ՈՉ ԹԵ ԻՆՔՆԻՇԽԱՆՈՒԹՅՈՒՆ, ԱՅԼ՝ ԻՄԻՇԽԱՆՈՒԹՅՈՒՆ
Փողոցից իշխանության հասած անմակարդակ քպ-ականները կրկնում են իրենց բռնապետիկի խոսքերը, իբր Հայաստանի ինքնիշխանության պահպանման մասին։
Իրականում բռնապետիկի ուշքն ու միտքը Հայաստանում իմիշխանության ամրապնդումն ու պահպանումն է ամեն գնով։
Իմիշխանության պահպանման համար բռնապետիկը պետական բյուջեի հաշվին շռայլորեն վարձատրում է անգաղափար, նյութապաշտ պատգամավորներին, նախարարներին, անգրագետ ոստիկաններին, հնազանդ քննիչ-դատախազներին, հնազանդեցնում դատավորներին։
Իմիշխանության համար բռնապետիկը հրաժարվում է Արցախից, Հայաստանի տարածքներից։ Իմիշխանության համար հալածում, քր․ գործեր են թխվում ընդդիմադիրների դեմ, արգելվում Հայաստանի մուտք բռնապետիկին քննադատողներին։ Բռնապետիկի իմիշխանության երաշխավորները Թուրքիան և Ադրբեջանն են և բռնապետիկն իր բոլոր քայլերը կատարում է նրանց ցուցումներով։
Մի խոսքով, իրականում, հանուն իմիշխանության, բռնապետիկը զոհաբերում է Արցախն ու Հայաստանի ինքնիշխանությունը»։
