Ուկրաինան կգնի 11 ամերիկյան Puma-LE հետախուզական անօդաչուներ
Ուկրաինայի թվային վերափոխման նախարարությունը կգնի ամերիկյան արտադրության Puma-LE անօդաչու թռչող սարքերի 11 համալիրներ: Այդ մասին հայտնել է թվային վերափոխման նախարար Միխայիլ Ֆյոդորովը:
«Ուկրաինայի զինված ուժերի համար գնելու ենք Puma-LE անօդաչուների 11 հզոր համալիրներ: Դրանց արժեքը 540 մլն գրվնա է (14,6 մլն դոլար): Դրոնները հանդերձված են սովորական եւ վեցակի մեծացմամբ ջերմացուցային խցիկով»,- այս մասին նա գրել է Telegram-ալիքում:
Նախարարը հավելել է, որ սարքերը կարող են հաղթահարել մինչեւ 60 կիլոմետր տարածություն: Puma մակնիշի անօդաչուն մշակվել է AeroVironment ամերիկյան ընկերության կողմից, որը համագործակցում է ԱՄՆ-ի իշխանությունների հետ եւ Ուկրաինային օգնում մատակարարումներով: Անօդաչուների արժեքը կազմում է 250 հազար դոլար, հաղորդել է ՏԱՍՍ-ը:
