Էրդողանն անդրադարձել է F-35 և S-400-ների խնդրին
Թուրքիայի Չանաքքալե նահանգում երիտասարդների հետ հանդիպման ընթացքում Թուրքիայի նախագահ Ռեջեփ Թայիփ Էրդողանը հայտարարել է, թե ԱՄՆ ցանկանում է, որ իրենք վերադարձնեն S-400 հակաօդային պաշտպանության համակարգը, որը Թուրքիան գնել է Ռուսաստանից: Այս մասին տեղեկացնում է ermenihaber.am-ը։
Ըստ Էրդողանի՝ Թուրքիան ի պատասխան ԱՄՆ-ի այդ պահանջի՝ հայտարարել է, որ իրենք որևէ պատճառ չունեն հետ կանգնելու Ռուսաստանի հետ գործարքից, քանի որ եթե ԱՄՆ-ն չի ապահովում իրենց համապատասխան համակարգով իրենք իրավունք ունեն ինքնուրույն իրենց խնդիրները լուծել և այդ պատճառով ընդունել են Ռուսաստանից եկած առաջարկը:
Էրդողանը նշել է, որ ԱՄՆ-ն նույն սխալը թույլ է տրվել F-35-ի հարցում: Ըստ նրա՝ F-35-ների համար 1 մլրդ 400 մլն դոլար են վճարել, բայց F-35-ները իրենց չեն տվել, հիմա ինչ-որ նոր առաջարկներ են ստանում:
Թուրքիայի նախագահը չի բացառել, որ առաջիկայում իրենք կփորձեն ինչ-որ բան արտադրել:
