«Իմ քայլը» խմբակցությունը մտադիր է ԱԺ արտահերթ նիստ հրավիրել. «Փաստինֆո»
«Փաստինֆո»-ի տեղեկություններով՝ «Իմ քայլը» խմբակցությունը մտադիր է հին կազմով հուլիս 30-ին ԱԺ արտահերթ նիստ հրավիրել:
Տեղեկությունը փորձեցինք ճշտել պատգամավոր Հրաչյա Հակոբյանից, որը հաստատեց, որ նման հարց քննարկվում է, բայց դեռ վերջնական որոշում չկա:
Իսկ թե օրակարգում ի՞նչ հարցեր կլինեն՝ պատգամավորն ասաց, երբ վերջնական որոշում կլինի նիստ հրավիրելու վերաբերյալ, օրակարգը կհստակեցվի:
Հիշեցնենք, որ 8-րդ գումարման ԱԺ առաջին նստաշրջանը կգումարվի օգոստոսի 2-ին, որի ժամանակ կընտրվեն ԱԺ նախագահ, տեղակալներ և ԱԺ հանձնաժողովների ղեկավարներ:
