Սոթքի հանքի հատվածում գիշերը հնչել են կրակոցներ
Այս գիշեր Սոթքի հանքի հատվածում Ադրբեջանի կողմից օկուպացված Քարվաճառի սահմանին լարված իրավիճակ է եղել: Ինչպես հայտնի է՝ նոյեմբերի 9-ի հայտարարությամբ սահմանն անցնում է հենց Սոթքի հանքավայրի միջով, ու այդ հայտարարությունից որոշ ժամանակ անց հանքի գործունեությունը մասամբ դադարեցված էր:
168.am-ի աղբյուրների փոխանցմամբ՝ գիշերը հնչած անկանոն կրակոցների հետևանքով հանքի աշխատակիցների մի մասը տարհանվել է: Այժմ կրակոցներ չկան:
«Գեոպրոմայնինգ Գոլդ» ընկերությունից 168.am-ին փոխանցեցին, որ այժմ հանքում աշխատանքն ընթանում է սովորականի նման: Այլ մեկնաբանություններ ընկերությունը կտա ավելի ուշ:
