«Բարսան» դիմել է «Յուվենթուսին» Գրիզմանի փոխանակման վերաբերյալ
«Բարսելոնան» շարունակում է ուղիներ փնտրել հարձակվող Անտուան Գրիզմանին վաճառելու համար:
«Բլաուգրանան» դիմել է «Յուվենթուսին»՝ առաջարկելով ֆրանսիացի հարձակվողին Պաուլո Դիբալայի հետ փոխանակել, հաղորդում է GFFN-ը՝ հղում կատարելով L’Equipe-ին:
Ավելի վաղ հաղորդվում էր, որ Գրիզմանի փոխանակումը «Ատլետիկոյի» կիսապաշտպան Սաուլի հետ դարձել է քիչ հավանական։
Անցած մրցաշրջանում 27-ամյա Դիբալան Ա Սերիայի 20 խաղում դարձել է 4 գոլի և 3 գոլային փոխանցման հեղինակ: 30-ամյա Գրիզմանը Լա լիգայի 36 խաղում դարձել է 13 գոլի և 7 գոլային փոխանցման հեղինակ:
Սիրարփի Աղաբաբյան
