Ավստրիայի կանցլերը սպասում է առաջնեկին
Ավստրիայի կանցլեր Սեբաստիան Կուրցը և նրա զուգընկերուհին՝ Սյուզանա Տիրը սպասում են իրենց առաջնեկին: Այս մասին Կուրցը հայտնել է «Ֆեյսբուք»-ի իր էջում:
«Երջանիկ ու երախտապարտ ենք, որ շուտով մենք երեքով ենք լինելու»,- նշել է Կուրցը՝ խնդրելով ըմբռնումով մոտենալ իրենց որոշմանը՝ նախկինի նման գաղտնի շարունակելու անձնական կյանքը:
Ավստրիայի կանցլերի գրասենյակից հստակեցրել են, որ զույգի առաջնեկը կծնվի նոյեմբերի վերջին կամ դեկտեմբերի սկզբին: Երեխայի սեռը հայտնի չէ:
35-ամյա Կուրցն ու 34-ամյա Սյուզանա Տիրը միասին են արդեն երկար տարիներ, սակայն չեն պաշտոնականացրել իրենց հարաբերությունները:
