Թուրքիայում մեկնարկում է Ադրբեջանի ԶՈւ մասնակցությամբ զորավարժություն․ razm.info
Մայիսի 24-ից հունիսի 4-ը Թուրքիայի Քոնյա քաղաքի ավիաբազայում անցկացվելու է “Anatolian Phoenix-2021” որոնողափրկարարական զորավարժությունը, որին ներգրավված են լինելու նաև Ադրբեջանի ռազմաօդային և ռազմածովային ուժերի զինվորականները։
Այս մասին հայտնում է Ադրբեջանի պաշտպանության նախարարությունը։
Ուշագրավ է, որ երեկ՝ մայիսի 20-ին, հայտնի դարձավ, որ Թուրքիայի հյուսիսային Գիրեսուն ծովափնյա նահանգում տեխնիկական խնդիրների պատճառով հարկադիր վայրեջք է կատարել ադրբեջանական Մի-17 ուղղաթիռ։ Թուրք նահանգապետի խոսքով՝ ուղղաթիռի 6-հոգանոց անձնակազմը չի վնասվել, տարածքում թռիչք իրականացնող ուղղաթիռները երկուսն էին, դրանք ուղևորվում էին Մերզիֆոնի ավիաբազա։ Ուղղաթիռները, ամենայն հավանականությամբ, պետք է մասնակցեն հենց “Anatolian Phoenix-2021” զորավարժությանը։
Նյութն ամբողջությամբ՝ սկզբնաղբյուրում։
