Տասնամյակի 10 լավագույն ֆիլմերը ըստ Time-ի վարկածի

Ցուցակում են հայտնվել Լարս Ֆոն Թրիերի, Ալֆոնսո Կուարոնի և այլ հեղինակավոր ռեժիսորների աշխատանքներ:

1. Ինչ որ տեղ/ Где-то (2010)

Ռեժիսորը՝ Սոֆիա Կոպպոլա

Սոֆիա Կոպպոլայի կատակերգական դրաման 2010թ. սեպտեմբերի 11-ին ստացել է «67-րդ Վենետիկի կինոփառատոնի» գլխավոր մրցանակը՝ Ոսկե առյուծը:

Հոլիվուդյան դերասանն ապրում է Շատո Մարմոն հյուրանոցում: Ժամանակ առ ժամանակ նրան այցելության է գալիս իր 11-ամյա աղջիկը, որի մորից նա բաժանված է: Նա աղջկա հետ շատ քիչ ժամանակ է անցկացնում, քանի որ միշտ զբաղված է հարբեցողությամբ և իր խճճված կյանքով: Բայց նա հասկանում է, որ այս ամենն այսպես չպետք է շարունակվի:

2. Մոռացված երազների քարանձավը/ Пещера забытых снов 3D (2010)

Ռեժիսորը՝ Վերներ Հերցոգ

Ռեժիսոր Վերներ Հերցոգի վավերագրական ֆիլմում, որը նկարահանված է 3D տեխնիկայով, պատմվում է ֆրանսիական Շովե քարանձավի մասին, որում հայտնաբերվել է աշխարհի հնագույն քարանձավային որմնանկարը:

3. Մելանխոլիա/ Меланхолия (2011)

Ռեժիսորը՝ Լարս Ֆոն Թրիեր

Ժյուսթինն ու Մայքլը շքեղ հրավերքով նշում են իրենց ամուսնությունը Ժյուստինի քրոջ և փեսայի տանը: Մինչդեռ այդ ընթացքում Մելանխոլիա անունով մոլորակը մոտենում է Երկիր մոլորակին:

4. Կեսգիշերից առաջ/ Перед полуночью (2013)

Ռեժիսորը՝ Ռիչարդ Լինքլեյթեր

Ռիչարդ Լինքլեյթերի այս ֆիլմը «Լուսաբացից առաջ» և «Մայրամուտից» առաջ ֆիլմերիի շարունակությունն է:
«Մայրամուտից» առաջ ֆիլմի իրադարձություններից 9 տարի անց Ջեսսին և Սելինն ամուսնացել են և ունեն երկու երեխա: Ջեսսին փորձում է նաև պահպանել հարաբերությունները իր որդու՝ Հենկի հետ, որը նախկին կնոջ հետ ապրում է Չիկագոյում:

5. Փյունիկ/ Феникс (2014)

Ռեժիսորը՝ Քրիստիան Պետցոլդ

Նելլի Լենցին՝ Հոլոքոստի զոհին, հաջողվել է ողջ մնալ մահակենտրոնացման ճամբարում: Նա վիրավոր է, նրա դեմքն ամբողջությամբ ջախջախված է: Հրեական գործակալության աշխատակցուհի Լենե Վինտերն օգնում է Նելլիին հասնել Բեռլին, որտեղ նա ենթարկվում է պլաստիկ վիրահատության: Ապաքինվելով վիրահատությունից հետո՝ Նելլին սկսում է փնտրել ամուսնուն՝ Յոհանսին:

6. Ջոն Ուիք/ Джон Уик (2014)

Ռեժիսորները՝ Դեյվիդ Լեյտչ և Չադ Ստահելսկի

Նախկին վարձու մարդասպան Ջոն Ուիքն անանուն հիվանդության հետևանքով կորցնում է կնոջը՝ Էլենին: Նրա հետմահու նվերը դառնում է շան ձագ Դեյզին, նամակի հետ միասին, որում նա հույս է հայտնում, որ շունը կօգնի Ջոնին հաղթահարել կորուստը: Ուիքն ամբողջ օրը անցկացնում է շան հետ և վարում է իր՝ 1969 թվականի Ford Mustang Mach 1 մեքենան: Մի օր Ջոնը հանդիպում է ռուսական մաֆիայի երեք գանգստերների…

7. Սելմա/ Сельма (2014)

Ռեժիսորը՝ Ավա Դյուվերնեյ

Ավա Դյուվերնեյի նկարահանած ամերիկյան պատմական ֆիլմը հիմնված է 1965 թվականին ԱՄՆ-ում՝ Սելմայում և Մոնթգոմերիում սևամորթների քաղաքացիական, մասնավորապես, ընտրության իրավունք ստանալու համար շարժման շրջանակներում կատարված իրադարձությունների վրա:

8. Լուսնի լույս/ Лунный свет (2016)

Ռեժիսորը՝ Բարի Ջենքինս

Տղա, պատանի, տղամարդ: Նա ծնվել և ապրում է Մայամիում, որտեղ աշխարհին տիրում են թմրանյութերը և փողը: Նա, հաղթահարելով ամեն ինչ, պետք է ընտրի իր ուղին: Բայց կարո՞ղ է մարդը փոխել ճակատագիրը:

9. Լքված քաղաք Z/ Затерянный город Z (2016)

Ռեժիսորը՝ Ջեյմս Գրեյ

Ֆիլմը պատմում է բրիտանացի հետախույզ Փերսի Ֆոսեթի մասին, որը 20-րդ դարի սկզբին ճանապարհորդում է Ամազոնով և բացահայտում նախկինում անհայտ, զարգացած քաղաքակրթության ապացույցները:

Չնայած գիտական հաստատության ծաղրին, Ֆոսեսն իր հավատարիմ կնոջ, որդու և համհարզի աջակցությամբ վերադառնում է ջունգլիներ և ճշմարտությունն ապացուցելու փորձով 1925 թվականին խորհրդավոր կերպով անհետանում է:

10. Ռոմա/ Рома (2018)

Ռեժիսորը՝ Ալֆոնսո Կուարոն

Սյուժեի հիմքում ընկած է Մեխիկոյի միջին դասի սովորական ընտանիքի կյանքի պատմությունը 1970-ականներին: Ընտանիքի հայրը հազվադեպ է տանը լինում և մայրը 4 երեխաներին դաստիարակում է Հնդկաստանից եկած երկու աղախինների օգնությամբ: Հերոսների կյանքում բեկումնային են դառնում 1971թ. հունիսի 10-ին կաթոլիակ տոնակատարության ժամանակ տեղի ունեցած անկարգությունները, երբ զինվորները կրակ են բացում ցուցարարների վրա:

Պատրաստեց Անի Գաբուզյանը