ԵԱՏՄ-ի և Ուզբեկստանի կառավարության միջև ստորագրվել է փոխգործակցության հուշագիր
Եվրասիական տնտեսական միության և Ուզբեկստանի կառավարության միջև ստորագրվել է փոխգործակցության հուշագիր: Տեսակամրջի ընթացքում այս մասին ասաց Եվրասիական տնտեսական հանձնաժողովի կոլեգիայի նախագահի օգնական Իյա Մալկինան:
«Իհարկե, նշանակալի իրադարձություն էր փոխգործակցության հուշագրի ստորագրումը ԵԱՏՄ-ի և Ուզբեկստանի կառավարության միջև, ինչպես նաև այդ հուշագրով նախատեսված միջոցառումների իրականացման համար 2021-2023 թթ. ծրագիրը»,- ասաց Մալկինան:
ԵՏՀ կոլեգիայի նախագահի օգնականը նշեց, որ հուշագիրը ենթադրում է համագործակցություն առևտրային քաղաքականության, մաքսային-տեխնիկական կարգավորման, սպառողների իրավունքների պաշտպանության հարցերում:
