«Մեսսին ասաց, որ ինձ հետ կլինի մինչև վերջ»․ Գրիզման
«Բարսելոնայի» հարձակվող Անտուան Գրիզմանը Movistar-ի հետ զրուցել է Լիոնել Մեսսիի հետ իր հարաբերությունների և կատալոնական ակումբին միանալուց հետո ստացած քննադատությունների մասին:
Բարսելոնա տեղափոխվելու մասին
Ես ժամանելուն պես խոսեցի Լեոյի հետ, և նա ասաց, որ զայրացած է, որ ես մերժեցի առաջին առաջարկը, քանի որ նա հրապարակավ խոսեց այդ տեղափոխության մասին, և ես, ի վերջո, մերժեցի այն: Այնուամենայնիվ, նա ասաց, որ իր թիմ տեղափոխվելուց հետո ինքը մինչև վերջ կլինի ինձ հետ, և ես դա զգում եմ ամեն օր:
Ես հիանում եմ Լեոյով, և նա գիտի այդ մասին: Ես ու Մեսսին հիանալի հարաբերություններ ունենք:
Քննադատության մասին
Ես դա ընդունում եմ, քանի որ հիմա մենք չենք տեսնում լավագույն Գրիզմանին: Բայց ես զգում եմ, որ ամեն անգամ, երբ ինչ-որ բան պատահում է, նրանք առաջին հերթին խոսում են իմ մասին: Մեկուկես տարում ես ունեցել եմ երեք մարզիչ, դա հեշտ չէ: Ժամանակ է պետք՝ ընտելանալու սխեմայի փոփոխություններին և գործընկերներին, բայց նրանք նույնպես պետք է ընտելանան ինձ:
Բացի այդ, «Բարսելոնայի» նախագահի թեկնածուները նույնպես խոսում են իմ մասին: Չեմ կարծում, որ նրանց համար լավագույն տարբերակը ինձ քննարկելն է `անկախ նրանից` ես հաջո՞ղ տեղափոխում եմ, թե՞ ոչ:
Նախկին գործակալ Օլացի և քեռու խոսքերի մասին
Ես ամուսնությանս օրվանից ավարտեցի Օլացի հետ հարաբերությունները: Ես նրան հրավիրեցի հարսանիքիս, և նա չեկավ, ուստի ես խզեցի հարաբերությունները նրա հետ:
Նա ասում է, որ ոչ հայրս, ոչ էլ քույրս չեն խոսում մամուլի հետ, ուստի իրեն զանգում են: Բայց Լեոն գիտի, որ ես իրեն հարգում ու հիանում եմ:
Հորեղբայրս չի հասկանում, թե ինչպես է աշխատում ֆուտբոլը: Արդյունքում՝ լրագրողը նրանից որսաց այս խոսքերը: Ես Լեոյին ասացի, որ ես երբեք նրա հետ չեմ խոսել, նույնիսկ հորեղբորս հեռախոսահամարը չունեմ:
Սիրարփի Աղաբաբյան
