Ցանկացած մեխանիզմ պետք է ընդունելի լինի կողմերի համար և ենթադրի շուտափույթ կիրառում. Լավրով
Լեռնային Ղարաբաղում հրադադարի ռեժիմի պահպանումը դիտարկելու մեխանիզմների հատուկ կարգավորումները համաձայնեցնել դեռ չի ստացվել, աշխատանքները շարունակվում են ԵԱՀԿ Մինսկի խմբի համանախագահների շրջանակում, հայտարարել է ՌԴ արտգործնախարար Սերգեյ Լավրովը:
«Հոկտեմբեր 10-ի մոսկովյան հայտարարությունում ասվում է, որ հրադադարի ռեժիմը պահպանելու հատուկ կարգավորումները լրացուցիչ կհամաձայնեցվեն: Սա բավականին բարդ աշխատանք է: Այս հարցի լուծման համար կան տարբեր մոտեցումներ: Կան տարբեր էլեկտրոնային կառավարման միջոցներ ներգրավվելու՝ Երևանի և Բաքվի միջև, թեժ գիծ, ԵԱՀԿ հովանու ներքո գտնվող դիտորդներ, ռազմական կոնտինգենտների մասնակցությամբ գործողություններ իրականացնելու համար», – ասել է Լավրովը «Կոմերսանտ» թերթին տված հարցազրույցում:
«Մինչ այժմ հնարավոր չէ համաձայնվել բոլոր կարգավորումների շուրջ: Այս ուղղությամբ աշխատանքները շարունակվում են, այդ թվում` ԵԱՀԿ Մինսկի խմբում համանախագահության շրջանակում: Գլխավորն այն է, որ ցանկացած մեխանիզմ պետք է ընդունելի լինի կողմերի համար և ենթադրի շուտափույթ կիրառում», – հավելել է նախարարը:
