Ռեալն առավելություն ունի Ֆալկաոյի համար պայքարում. Տրաբուկի
ՖԻՖԱ-ի իտալացի հայտնի գործակալ Մարկո Տրաբուկին գնահատել է «Ատլետիկոյի» հարձակվող Ռադամել Ֆալկաոյի՝ «Ռեալ» տեղափոխվելու հնարավորությունները:
««Ռեալում» հրաշալի հասկանում են, որ եթե ֆուտբոլիստը չտեղափոխվի արքայական ակումբ հունվարին, ապա նա կուժեղացնի Չեմպիոնների լիգայում թիմի հիմնական մրցակիցներին: Ֆալկաոն և «Ռեալի» գլխավոր մարզիչ Ժոզե Մոուրինյոյն նույն գործակալն ունեն, ինչը որոշակի առավելություն է տալիս արքայական ակումբին: Չնայած իմ տեղեկություններով՝ «Մանչեսթեր Սիթին» լրջորեն հավակնում է կոլումբիացուն: Այս պայքարում չի կարելի թերագնահատել նաև «Չելսիին»: Այսօր Ֆալկաոն աշխարհի լավագույն 5 հարձակվողական ոճի ֆուտբոլիստներից մեկն է», – Տրաբուկիի խոսքերը մեջբերում է «Իզվեստիա» թերթը:
Մարզական լրահոսն ապահովում է SportArmenia.com-ը
