Լևոն Արոնյանի 7-րդ անընդմեջ ոչ-ոքին

Ավարտվեց «Մեծ սաղավարտի» եզրափակիչ մրցաշարի 8-րդ տուրը: Մրցաշարային աղյուսակի 3-րդ հորիզոնականում ընթացող Հայաստանի ուժեղագույն գրոսմայտեր Լևոն Արոնյանն այսօր սևերով ոչ-ոքի խաղաց ետնապահ Ֆրանսիսկո Վալեխո Պոնսի հետ: Շախմատիստները 55-ական քայլ կատարեցին:

Նշենք, որ այս ոչ-ոքին անընդմեջ 7-րդն էր Լևոնի համար, ով հաղթանակով մեկնարկեց մրցաշարն ու այդուհետ, թեև պարտություն չի կրել, սկայն ոչ մի կերպ չի կարողանում առավելության հասնել մրցակիցների նկատմամբ:

Ոչ-ոքի ավարտվեցին նաև այս տուրի մյուս պարտիանեը: ՖԻԴԵ-ի վարկանիշային աղյուսակի առաջատար Մագնուս Կարլսենը չկարողացավ պարտության մատնել ռուս Սերգեյ Կարյակինին, իսկ աշխարհի գործող չեմպիոն Վիշվանաթհան Անանդը խաղաղությամբ բաժանվեց մրցաշարային աղյուսակի առաջատարներից մեկի` Ֆաբիանո Կարուանայի հետ:

7-րդ տուրից հետո մրցաշարային աղյուսակն ունի հետևյալ տեսքը.

Տ	Անուն	Երկիր	Վրկ. մ.	Մ.
1	Ֆաբիանո Կարուանա	Իտալիա	2781.8	13
2	Մագնուս Կարլսեն	Նորվեգիա	2844.8	13
3	Լևոն Արոնյան	Հայաստան	2822.2	10
4	Վիշվանաթհան Անանդ	Հնդկաստան	2779.6	8
5	Սերգեյ Կարյակին	Ռուսաստան	2770.6	6
6	Ֆրանսիսկո Վալեխո Պոնս	Իսպանիա	2697.2	5

Մարզական լրահոսն ապահովում է SportArmenia.com-ը