Կնոջս հետ ավելի լավ հարաբերություններ ունեմ, քան Սերխիո Ռամոսի. Մոուրինյո
Մադրիդի «Ռեալի» գլխավոր մարզիչ Ժոզե Մոուրինյոն խոսել է իր թիմի պաշտպան Սերխիո Ռամոսի հետ ունեցած վեճի մասին:
«Կնոջս հետ ավելի լավ հարաբերություններ ունեմ, քան Ռամոսի: Այս ֆուտբոլիստի հետ հարաբերություններս չի տարբերվում նրա թիմակիցների հետ իմ հարաբերություններից: Նրան վերաբերվում եմ այնպես, ինչպես մյուս ֆուտբոլիստներին: Եթե ինչ-որ մեկն էլ հարցեր ունի, թող նրան դիմի:
Ես նրա հետ խնդիր չունեմ: Նա էլ, իր հերթին, որևէ խնդիր չունի ինձ հետ: Խոսքը գնում է մեծ պրոֆեսիոնալի մասին, և դրանում որևէ կասկած լինել չի կարող», – պորտուգալացի մասնագետի խոսքերն է մեջբերում AS-ն:
Մարզական լրահոսն ապահովում է SportArmenia.com-ը
