Բորիս Ջոնսոնն ու նրա հարսնացուն տղա են ունեցել
Մեծ Բրիտանիայի վարչապետ Բորիս Ջոնսոնն ու նրա հարսնացու Քերի Սիմոնդսը տղա են ունեցել: Այս մասին տեղեկացնում է BBC-ն: Հարսնացուն ծննդաբերել է լոնդոնյան հիվանդանոցներից մեկում ապրիլի 29-ի առավոտյան: Վարչապետի մամուլի խոսնակը տեղեկացրել է, որ թե Քերի Սիմոնդսը, թե երեխան իրենց լավ են զգում:
«Վարչապետն ու տիկին Սիմոնդսն իրենց շնորհակալություն են հայտնում ծննդատան անձնակազմին»,-նշել է մամուլի քարտուղարը:
55-ամյա Բորիս Ջոնսոնն ու 32-ամյա Քերի Սիմոնդսն ավելի վաղ հայտարարել էին, որ նրանք երեխայի են սպասում:
Բորիս Ջոնսոնը, հաղթահարելով կորոնավիրուսը, օրերս վերադարձել էր աշխատանքի:
