Instagram-ում Ռոնալդուի ավելի քան 50 միլիոն հետևորդները, պարզվում է, որ կեղծ են․ The Sun

«Յուվենթուսի» հարձակվող Կրիշտիանու Ռոնալդուի՝ Instagram-ի ավելի քան 50 միլիոն հետևորդները, պարզվել է, որ կեղծ են: Այս մասին հայտնում է The Sun-ը՝ հղելով HypeAuditor-ին:

Հիշեցնենք, որ Ռոնալդուն առաջին օգտատերն է, ով հատել է 200 միլիոն բաժանորդի սահմանը։

Ըստ աղբյուրի, պորտուգալացի ֆուտբոլիստի բաժանորդների 18,7%-ը «կասկածելի հաշիվներ» են՝ բոտերի և հավանումների, մեկնաբանությունների և բաժանորդների գնորդներ: Instagram-ում «Յուվենթուսի» 34-ամյա հարձակվողի երկրպագուների ևս 6.4%-ը «զանգվածային» բաժանորդներ են. նրանք բաժանորդագրված են ավելի քան 1500 էջի և օգտագործում են գործիքներ՝ ավտոմատ բաժանորդագրությունների և բաժանորդագրությունների համար: Այսպիսով, Ռոնալդուի բաժանորդների 25.1%-ը կարելի է համարել անօրինական՝ 503,2 միլիոն բաժանորդ։

2018 թվականին Ռոնալդուն Թուրինի «Յուվենթուս» տեղափոխվեց «Ռեալից»: 34-ամյա պորտուգալացի հարձակվողն այս մրցաշրջանում 17 գոլ է խփել Իտալիայի առաջնության 18 հանդիպումներում: 2003 թվականից ի վեր Ռոնալդուն պաշտպանում է Պորտուգալիայի հավաքականի գույները:

Սիրարփի Աղաբաբյան