Հեռուստաբանավեճերին չներկայացած Բորիս Ջոնսոնին փոխարինել են սառցե քանդակով
Մեծ Բրիտանիայի Channel 4 հեռուստաալիքը կլիմայի փոփոխություններին նվիրված հեռուստաբանավեճերի ժամանակ սառցե քանդակներ է օգտագործել Մեծ Բրիտանիայի վարչապետ Բորիս Ջոնսոնի եւ Brexit կուսակցության առաջնորդ Նայջել Ֆարաջի փոխարեն, որոնք չէին ներկայացել ստուդիա: Այդ մասին հայտնել է Sky News-ը:
Ինչպես նշվում է, մյուս հինգ կուսակցությունների՝ Լեյբորիստների, Լիբերալ դեմոկրատների, «Կանաչների», Ուելսի կուսակցության եւ Շոտլանդիայի ազգային կուսակցության առաջնորդները եկել էին բանավեճերի եւ այնտեղ քննարկել կլիմայական խնդիրները: Ջոնսոնի եւ Ֆարաջի համար նախատեսված տեղերում դրվել էին սառցե քանդակներ՝ Երկիր մոլորակի պատկերով, որոնք հալվում էին եթերի ընթացքում:
These two ice sculptures – which represent the emergency on planet earth – will take the place of Boris Johnson and Nigel Farage tonight after they declined our invitation to attend a party leaders' #ClimateDebate
Tune in at 7pm on 4 and here on Twitter: https://t.co/GXl7XiFbgA pic.twitter.com/niPE5MLdGV
— Channel 4 News (@Channel4News) November 28, 2019
Պահպանողական կուսակցությունը, որի առաջնորդը Ջոնսոնն է, Channel 4-ի այդ արարքը համարել է հաղորդման վարքականոնի խախտում եւ գանգատ է ուղարկել СМИ Ofcom կարգավորիչին:
Մեծ Բրիտանիայում դեկտեմբերի 12-ին տեղի կունենան վաղաժամկետ խորհրդարանական ընտրություններ, որոնք նախաձեռնել է վարչապետ Ջոնսոնը, որպեսզի խորհրդարանի միջոցով անցկացնի Brexit-ի վերաբերյալ համաձայնագիրը, հաղորդել է «Ինտերֆաքսը»:
