«Ռոմա»-ի մարզիչն ասել է, թե երբ խաղադաշտ կվերադառնա Մխիթարյանը
Իտալական «Ռոմա»-ի գլխավոր մարզիչ Պաուլո Ֆոնսեկան խոսել է այն մասին, թե Մխիթարյանը երբ կվերադառնա խաղադաշտ:
Անդրադառնալով վնասվածք ունեցող ֆուտբոլիստներին, մասնավորապես Հենրիխ Մխիթարյանին, Ֆոնսեկան շեշտել է, որ հայ կիսապաշտպանը խաղադաշտ կվերադառնա միջազգային դադարից հետո, երբ հավաքականները կավարտեն իրենց ելույթները մի շարք մրցաշարերում:
Մխիթարյանը վնասվածք էր ստացել Իտալիայի առաջնության «Լեչե»-ի դեմ խաղում` վնասելով աճուկը: Կիսապաշտպանը չմասնակցեց նաև Հայաստանի հավաքականի վերջին խաղերին: Մխիթարյանը խաղադաշտ դուրս չի գալիս արդեն մոտ 6 շաբաթ:
