Լա Լիգան կրկին փորձում է տեղափոխվել ԱՄՆ․ ՖԻՖԱ-ն սպառնում է

Առայժմ այս նախագիծը այնքան էլ արժանահավատ չէ։

• ԱՄՆ-ում Իսպանիայի առաջնության խաղը Լա Լիգայի Նախագահ Խավիեր Տեբասի երազանքն է: Անցյալ տարի խաղը արտասահմանում անցկացնելու փորձը չհաջողվեց, այժմ կա նոր առաքելություն. Մայամիի Hard Rock մարզադաշտում (65 հազար հանդիսատես) անցկացնել «Ատլետիկո»-«Վիլյառեալ» խաղ:

2018 թվականի օգոստոսի 16-ին հայտնի դարձավ, որ Լա Լիգան պայմանագիր է կնքել ԱՄՆ-ում գործող ԶԼՄ-ների հետ, ըստ որի, մի շարք ֆուտբոլային հանդիպումներ տեղի կունենան Հյուսիսային Ամերիկայում:

Համաձայնագիրը նախատեսված էր 15 տարվա համար, իսկ առաջին նման խաղերը, հավանաբար, պետք է տեղի ունենային անցած մրցաշրջանում: ԱՄՆ-ում անցկացվելիք խաղում պետք է խաղային «Ռեալը», «Բարսելոնան» կամ «Ատլետիկոն»:

Այս համաձայնությունը ձեռք էր բերվել առանց AFE-ի և Իսպանիայի ֆուտբոլի ֆեդերացիայի համաձայնության:

Կարճ ժամանակ անց Իսպանիայի ֆուտբոլիստների ասոցիացիան հրապարակեց մի հայտարարություն, որը ստորագրել էին թիմերի 20 ավագները:

• Նպատակը պարզ է՝ նոր շուկա մտնել և գումար աշխատել: Եվ եթե մի փոքր ավելի շատ պաթոսով, ապա այսպես.

«Լա Լիգան միլիոնավոր երկրպագուներ ունի ամբողջ աշխարհում: Այս մոտեցումը նրանց հետ կապվելու կարևոր հնարավորություն է տալիս և թույլ է տալիս շարունակել աշխատել Լա Լիգայի համաշխարհային առաջխաղացման ուղղությամբ»,- ասվում է պաշտոնական հաղորդագրության մեջ:

• «Ատլետիկոյի» և «Վիլյառեալի» ղեկավարներն արդեն իսկ աջակցել են գաղափարը: Նրանց հայտարարությունների իմաստը նույնն է՝ նրանք շահագրգռված են խթանել իրենց ապրանքանիշերը, Իսպանիայի առաջնությունը, նրանք ցանկանում են ներկայացնել իրենց և այլն: Միևնույն ժամանակ, ճշգրիտ գումարները, որոնք լիգան և ակումբները կարող են վաստակել, չեն բացահայտվել:

• Լա Լիգան չի ցանկանում զայրացնել իսպանացի երկրպագուներին, հետևաբար համաձայն է զիջումների գնալ։ Լա լիգան «Վիլյառեալի» երկրպագուներին («Ատլետիկոյի» դեմ խաղի տանտերերին) առաջարկվում է զեղչի ընտրություն հաջորդ մրցաշրջանում համանուն խաղ այցելելու համար, տոմս և ուղևորություն դեպի Մադրիդ, կամ հնարավորություն գնալու Մայամի։

• ՖԻՖԱ-ն, ՈՒԵՖԱ-ն և Իսպանիայի ֆուտբոլի ֆեդերացիան դեմ են։ Դրանք «Բարսելոնայի» նույնիսկ սպառնացել են բոլոր տեսակի արգելքներով: Այդ պատճառով կատալոնացիները, ի վերջո, հետ են վերցրել հայտը ամերիկյան խաղի համար: Նրանք վախենում էին մի քանի մրցաշրջաններում եվրոպական մրցություններում մասնակցելու հնարավոր արգելքից, իսկ ակումբի խաղացողներին սպառնում էին միջազգային խաղերին մասնակցության արգելք (ազգային հավաքականների հետ):

Մինչ այժմ ոչ Ալեքսանդր Չեֆերինը, ոչ Ջիաննի Ինֆատինոն չեն ասել, որ իրենց դիրքորոշումը փոխվել է: Եվ եթե հանկարծ ասեն, տարօրինակ կլինի: Մեկ տարի առաջ Ինֆանտինոն խոստացավ արգելափակել Իսպանիայի առաջնության հանդիպումը այլ երկիր տեղափոխելու ցանկացած փորձ:

Նրանց տրամաբանությունը նույնպես պարզ է. Լա Լիգան շատ բան է վերցնում իր վրա, իսկ ՖԻՖԱ-ն, ՈՒԵՖԱ-ն և Ֆեդերացիան ոչինչ չեն ստանում դրանից և վախենում են կորցնել ազդեցությունը:

• Տեբասը մի քայլ ետ գնաց, բայց չմոռացավ գաղափարը: Անցյալ տարի նա ստիպված էր սառեցնել ծրագրերը, քանի որ լիգան կորցրեց «Բարսելոնայի» աջակցությունը: Այժմ հանդիպումը Մայամիում անցկացնելու համար նախ պետք է Տեբասին պարտության մատնել Ֆուտբոլի Արքայական ֆեդերացիային և միայն դրանից հետո անցնել ՈւԵՖԱ-ին և ՖԻՖԱ-ին: Ըստ As-ի, ֆեդերացիան զարմացած է Լա Լիգայի անպարկեշտությունից, որը, առանց պահանջարկի, ստանձնեց կարգավորող մարմնի լիազորությունները:

Տեբասը խոստացավ հարցը լուծել դատարանի միջոցով: Չնայած քիչ հավանական է, որ նա կկարողանա օրինական կերպով հաղթել մինչև դեկտեմբերի 6-ը՝ «Վիլյառեալ»-«Ատլետիկո» հանդիպումը: Միակ ճանապարհը բանակցելն է: Արդեն ներկայացվել է պաշտոնական դիմում: Լա Լիգան սպասում է պատասխանի:

Սիրարփի Աղաբաբյան