ԱԱԾ աշխատակիցները խաղարկեցին պատանդների ազատ արձակման հատուկ գործողությունը
Ազգային անվտանգության ծառայության «Ա» վարչության հատուկ ստորաբաժանումների ուժերը խաղարկեցին «Գազպրոմ Արմենիա» ՓԲԸ վարչական շենքում գտնվող «պատանդների» ազատ արձակման և «ահաբեկչական խմբի» չեզոքացման հատուկ գործողությունը:
Սեպտեմբերի 25-ին տեղի ունեցած գործողությունն անցկացվեց ԱՊՀ մասնակից պետությունների իրավասու մարմինների «Արարատ-անտիտեռոր-2019» համատեղ հակաահաբեկչական վարժանքի երկրորդ փուլի շրջանակում:
ԱԱԾ աշխատակիցները խաղարկեցին «ահաբեկիչների» չեզոքացման հատուկ գործողությունը
ԱԱԾ աշխատակիցները խաղարկեցին «ահաբեկիչների» չեզոքացման հատուկ գործողությունը
Gepostet von Armenpress am Mittwoch, 25. September 2019
Ազգային անվտանգության ծառայության տնօրենի ժամանակավոր պաշտոնակատար Էդուարդ Մարտիրոսյանը լրագրողների հետ զրույցում նշեց, որ ԱԱԾ բոլոր ստորաբաժանումները մշտապես պետք է պատրաստ լինեն նման իրավիճակների:
«Այս պահին վտանգներ չունենք, սակայն բոլոր ստորաբաժանումները պետք է պատրաստ լինեն նման իրավիճակների»,- ասաց Մարտիրոսյանը:
ԱՊՀ մասնակից պետությունների իրավասու մարմինների «Արարատ-անտիտեռոր-2019» համատեղ հակաահաբեկչական վարժանքն անցկացվում է երեք փուլով՝ 7 օր ընդհանուր տևողությամբ:
