Լոռու մարզում մեքենան մոտ 7 մետր գլորվել է դեպի դաշտավայր
Հուլիսի 28-ին, ժամը 18:58-ին, «911» ծառայությանն ահազանգ է ստացվել, որ Լոռու մարզի Վանաձոր-Սպիտակ ավտոճանապարհի սկզբնամասում տեղի է ունեցել ՃՏՊ. անհրաժեշտ է փրկարարների օգնությունը: Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Պարզվել է, որ Վանաձոր-Սպիտակ ավտոճանապարհի 3-րդ կմ-ին Mercedes C մակնիշի ավտոմեքենան (վարորդ` Վ.Շ., ծնված 1976 թ.) դուրս է եկել ճանապարհի երթևեկելի հատվածից և մոտ 7 մ գլորվել դեպի դաշտավայր:
Մինչ փրկարարների՝ կանչի վայր հասնելը վարորդը քաղաքացիների ուժերով դուրս է բերվել ավտոմեքենայից. հոսպիտալացման կարիք չի եղել: Փրկարարները հոսանքազրկել են ավտոմեքենան և փակել գազի բալոնի փականը:
