Ջենիֆեր Լոպեսը՝ ընդդեմ Հակոբ Մանուկյանի
Փոփ երգչուհի Ջենիֆեր Լոպեսը դատի է տվել իր նախկին վարորդ Հակոբ Մանուկյանին: Երգչուհին նախկին վարորդին մեղադրում է շանտաժի մեջ` հայտնելով, որ Մանուկյանն իրենից պահանջում է 2.8 մլն դոլար` մեքենայում պատահաբար լսած զրույցը չբարձրաձայնելու համար:
Հիշեցնենք, որ ինքը՝ Հակոբ Մանուկյանն էր պատրաստվում դատական հայց ներկայացնել Լոպեսի և նրա մենեջերի դեմ՝ հայտարարելով, թե մենեջեր Բեննի Մեդինան քննադատել է իր արտաքին տեսքը և անգլերենի իմացությունը, իսկ երգչուհուն մեղադրել է աշխատանքից ստիպողաբար հեռացման և աշխատանքային պայմանագրի խախտման մեջ:
Փոփ աստղը Մանուկյանի դեմ պատասխան հայց է ներկայացրել: Հայցաչափը կազմում է 20 մլն դոլար:
