Նոտր Դամի փլուզումը հաջողվել է կանխել վերջին պահին
Ֆրանսիայի մայրաքաղաքի հրշեջ ծառայության աշխատակիցները կարողացել են կանխել Փարիզի Աստվածամոր տաճարի փլուզումը, երբ մինչեւ աղետը հաշված րոպեներ էին մնացել: Այդ մասին ապրիլի 16-ին հայտարարել է Ֆրանսիայի ՆԳ նախարարության պետքարտուղար Լորան Նունիեզը:
«Շենքը փրկել են, երբ մնացել էր 15 – 30 րոպեից ոչ ավելի»,- ասել է նա լրագրողներին Փարիզում:
Պետքարտուղարը պարզաբանել է, որ վճռորոշ դեր են խաղացել հրշեջները, որոնք հրդեհաշիջում են սկսել տաճարի ներսում: Հենց նրանց է, մասնավորապես, հաջողվել վերահսկողության տակ վերցնել բռնկումը Նոտր Դամի աշտարակների շրջանում: Նունիեզի խոսքով՝ տաճար մտած հրշեջները լրջորեն վտանգի էին ենթարկել իրենց կյանքը, հաղորդել է «Ինտերֆաքսը»:
