«Ցավալի է, որ վերջին տասնամյակների լավագույն գերմանացի ֆուտբոլիստներից մեկը նման կերպ է լքում ազգային հավաքականը». Օզիլ
Գերմանիայի ազգային հավաքականի նախկին կիսապաշտպան Մեսութ Օզիլը խոսել է այն մասին, որ «Բավարիայի» պաշտպան Ջերոմ Բոատենգն այլևս չի հրավիրվելու ազգային հավաքական:
«Գլուխդ բարձր, եղբայր: Ամենասկզբից սկսած՝ դեռ երիտասարդական թիմում, մենք միասին շատ հատուկ պահեր ենք զգացել: Դու իսկական բարեկամ և հրաշալի անձնավորություն ես, ինչպես դաշտում, այնպես էլ՝ դրանից դուրս:
Ցավալի է, որ վերջին տասնամյակների լավագույն գերմանացի ֆուտբոլիստներից մեկը նման կերպ է լքում ազգային հավաքականը»,- ասել է Օզիլը:
Հիշեցնենք, որ Գերմանիայի ազգային հավաքականի գլխավոր մարզիչ Յոահիմ Լյովը նշել է, որ այլև չի հրավիրելու հավաքական Բոատենգին, Հումելսին և Մյուլերին, քանի որ հավաքականի պատմությունում պետք է բացել նոր էջ:
Սիրարփի Աղաբաբյան
