Այս տարի Թուրքիայում արգելափակվել է ավելի քան 4400 կայք
ИТАР-ТАСС-ի փոխանցմամբ՝ ինտերնետային գրաքննության հետևանքով տարեսկզբից սկսած՝ Թուրքիայում արգելափակվել է ավելի քան 4400 տարբեր կայք: Օրեցօր դրանց թիվն ավելի է աճում, և այս ամենը տեղի է ունենում մամուլի ու տեղեկատվության ազատության, խոսքի ազատության վերաբերյալ հասարակական քննարկումների ֆոնին:
Կայքերի մեծ մասն արգելափակվել է Թուրքիայի հեռահաղորդակցության վարչության որոշմամբ: Հիմնականում արգելափակման տակ են ընկել պոռնո կայքերը, սակայն կան նաև պոռնոգրաֆիայի հետ կապ չունեցող արգելափակված կայքեր: Խոսքը ծայրահեղական կամ հակաթուրքական բնույթի կայքերի մասին է:
Բացի այդ, կայքերի արգելափակման իրավունք ունեն նաև դատարաններն ու դատախազությունները:
