Որոշ բուհեր կմիավորվեն. ԿԳ նախարար
ԿԳ նախարար Արայիկ Հարությունյանն այսօր լրագրողների հետ զրույցում անդրադարձավ երիտասարդ գիտնականների խնդրին: Նշեց, որ 30-35 տարեկանից հետո անկում է գրանցվում Հայաստանում, գիտնականները լրացուցիչ խթան չունենալով՝ գնում են աշխատելու այլ ոլորտներում: Հիմա մտածում են լրացնել բացը:
Նախարարը հայտնեց, որ բուհերի միավորումների մասին էլ են մտածում:
«Գիտությունների ազգային ակադեմիայի հետ քննարկում կլինի՝ որոշ ինստիտուտների միավորման հետ կապված: Հիմա ուսումնասիրություններ են կատարվում, վերջնական որոշում կկայացվի առաջիկա երկու շաբաթների ընթացքում: Պետք է քննարկենք Գիտությունների ազգային ակադեմիայի և բուհերի սերտ համագործակցության հարցը, ընդհուպ՝ մինչև միավորումներ»,- մանրամասնեց Արայիկ Հարությունյանը:
ԱՆԻ ԿԱՐԱՊԵՏՅԱՆ
