Ձիթապտղի յուղի մի քանի օգտակար հատկություններ, որոնց մասին հարկավոր է իմանալ
Ձիթապտղի յուղը հարուստ է ճարպաթթուներով, դրա սննդային արժեքը բավական բարձր է: Fithacker.ru-ն ներկայացրել է ձիթապտղի յուղի մի քանի առավելություն:
Մեծ քանակով ճարպաթթուներ է պարունակում: Ձիթապտղի յուղը 24 տոկոս հագեցած ճարպեր, օմեգա-3 և օմեգա-6 ճարպաթթուներ է պարունակում: Այս ճարպերն օգնում են պայքարել բորբոքման դեմ:
Օգնում է կարգավորել խոլեստերինի մակարդակը: Մասնագետները խոլեստերինի երկու տեսակ են առանձնացնում՝ «վատ» և «լավ»: Առաջինը նպաստում է անոթներում ճարպերի կուտակմանը, ինչը սեղմում է անոթներն ու մեծացնում սիրտ-անոթային համակարգի հիվանդությունների զարգացման հավանականությունը: Ձիթապտղի յուղը «լավ» խոլեստերին է պարունակում, որն օգնում է կանխարգելել անոթների նեղացումը, օրգանիզմից դուրս բերել «վատ» խոլեստերինը: Երբ «լավ» խոլեստերինի մակարդակն օրգանիզմում նորմայի սահմաններում է, սիրտ-անոթային համակարգի հիվանդությունների զարգացման հավանականությունը նվազում է:
Ձիթապտղի յուղն առողջ ճարպեր է պարունակում: Ճարպերն օրգանիզմում բազմաթիվ կարևոր գործառույթներ են կարգավորում: Միայն թե հարկավոր է ուշադրություն դարձնել սննդակարգին և օգտագործել առողջ ճարպեր, որոնք հարկավոր են ուղեղի, ներքին օրգանների ճիշտ աշխատանքի համար:
Պաշտպանում է սրտի առողջությունը: Ձիթապտղի յուղի չափավոր օգտագործումը կօգնի պաշտպանել սրտի առողջությունը, նվազեցնել սիրտ-անոթային համակարգի հիվանդությունների զարգացման հավանականությունը.
- նվազեցնում է բորբոքումը
- կարգավորում է արյան մակարդելիությունը
- լավացնում է արյունատար անոթների աշխատանքը:
Հակաօքսիդանտներ է պարունակում: Հակաօքսիդատներն օգնում են պայքարել մի շարք խնդիրների դեմ, կանխարգելում վաղաժամ ծերացումը, պայքարում բորբոքման դեմ:
Նյութը հրապարակման պատրաստեց 168.am-ը
