Նորացված Samsung Galaxy A7՝ եռակի տեսախցիկով

Samsung-ը պաշտոնապես ներկայացրեց Galaxy A7- ի (2018), որը ստացել է թարմ դիզայն և մի շարք նորարարական հատկանիշներ: Galaxy J4 + և J6 + մոդելների նման, այն ունի նաև մատնահետքերի սկաներ:

Սմարթֆոնի կաղապարը պատրաստված է ապակուց և մետաղից: Էկրանը 6 դյույմանոց է՝ Super AMOLED մատրիցայով և 2 220 × 1080 պիքսել ընդլայնմամբ: Սարքն աշխատում է Exynos 7885 8-core պրոցեսորով: Այն ունի 4 ԳԲ օպերատիվ և 64 ԳԲ հիշողություն:

Նոր Galaxy A7-ի գլխավոր առանձնահատկությունը եռակի հիմնական տեսախցիկն է: Վատ լուսավորության պայմաններում նկարահանելիս պատկերի որակը բարձրացնելու համար տեսախցիկը միացնում է չորս պիքսելը մեկում: Նույն տեխնոլոգիան վաղուց արդեն օգտագործվել է այլ արտադրողների կողմից:

Առջևի տեսախցիկը ևս 24 մեգապիքսել է: Այն ունի սելֆիի համար նախատեսված լուսավորություն և հնարավորություն է տալիս ստեղծել սելֆիմոջիներ: Բացի այդ, այժմ սմարթֆոնն օգտագործում է Dolby Atmos-ի ձայնային տեխնոլոգիան, սակայն՝ միայն ականջակալներում:

Samsung Galaxy A7-ը (2018) ստացել է 3,300 mAh մարտկոց՝ արագ լիցքավորման գործառույթով: Այն նաև ունի 4G VoLTE, Wi-Fi 802.11ac (2.4 / 5), Bluetooth 5.0, GPS + GLONASS և NFC: Սարքն աշխատում է Android 8.0-ով:

Սիրարփի Աղաբաբյան