Ադրբեջանի գյուղերից մեկում ական է պայթել․ կա երկու վիրավոր
Օգոստոսի 3-ին ազատագրված Աղդերեի շրջանի Չարդաղլի գյուղում ական է պայթել։
APA գործակալության փոխանցմամբ՝ այս մասին հայտնել է Ադրբեջանի ականազերծման գործակալությունը (ANAMA):
Հաղորդվել է, որ մարդասիրական ականազերծմամբ զբաղվող ոչ կառավարական կազմակերպության աշխատակից Սուրխայլի Էլզամին Վեզիր օղլուն (ծնված 1994թ.) ծառայության ժամանակ պայթել է հակահետևակային ականից։ Պայթյունի հետևանքով նա աջ ոտքի վնասվածք է ստացել։
Միջադեպի ժամանակ մեկ այլ աշխատակից՝ Ֆիզուլի Ռիզվան օղլու Միրզոևը (ծնված 1998թ.), թեթև վնասվածքներ է ստացել։
Վիրավորները տարհանվել են կենտրոնական շրջանային հիվանդանոց։ Նրանց վիճակը գնահատվում է բավարար։
