Մոջթաբան ավելի պատրաստակամ է միջուկային զենք ստեղծելու հարցում. NYT
Ամերիկյան հետախուզական գործակալությունների կարծիքով՝ Իրանի նոր Գերագույն հոգևոր առաջնորդ Մոջթաբա Խամենեին շատ ավելի մեծ հետաքրքրություն ունի միջուկային զենք ստեղծելու նկատմամբ, քան իր հայրն ու նրա նախորդը։
Թեև Իրանի ներկայիս առաջնորդը երբեք հրապարակայնորեն կոչ չի արել ստեղծել միջուկային զենք, ամերիկյան հետախուզական ծառայությունների կարծիքով` նա և այն առավել կոշտ վարչակարգը, որն իշխանության եկավ այն բանից հետո, երբ ԱՄՆ-ն ու Իսրայելը ոչնչացրեցին Իսլամական Հանրապետության նախկին բարձրաստիճան ղեկավարներից շատերին, հավակնություններ ունեն մշակելու ժամանակակից միջուկային զենք։
Գործող կառավարությունն արդեն իսկ քայլեր է ձեռնարկել Հորմուզի նեղուցի նկատմամբ վերահսկողությունն ուժեղացնելու ուղղությամբ և բանակցություններում իրեն դրսևորել է որպես բարդ գործընկեր։ Եթե ԱՄՆ-ի և Իսրայելի հետ պատերազմի հետևանքով Թեհրանն ավելի շատ է հակվել միջուկային զենք ստեղծելուն (և ոչ թե հակառակը), ապա դա կդառնա Գերագույն առաջնորդի սպանության և վարչակազմի փոփոխությանն ուղղված այն քայլերի հերթական ծանր հետևանքը, որոնք սկզբնապես ձեռնարկել էր Թրամփի վարչակազմը։
Այն պնդումը, որ Խամենեին պոտենցիալ պատրաստ է միջուկային ռումբի ստեղծմանը, կարող է որպես լրացուցիչ հիմնավորում ծառայել էսկալացիայի համար՝ հատկապես, երբ Թրամփը մտորում է Թեհրանի դեմ ռազմական արշավն ակտիվացնելու հարցի շուրջ։
