Հորդանանում տեխնիկական խափանման պատճառով գործարկվել են տագնապի ազդանշանները

Հորդանանում կիրակի գիշերը արձանագրվել են տագնապի ազդանշանների գործարկումներ, սակայն միջադեպի պատճառը տեխնիկական խափանումն է եղել, հայտնում է Reuters-ը։

Ահազանգման համակարգի գործարկման մասին հաղորդումներից հետո Հորդանանի Հանրային անվտանգության գլխավոր վարչությունը հայտարարել է, որ անվտանգության սպառնալիք չի եղել, իսկ պատճառը եղել է ազդանշանային սարքերից մեկի անսարքությունը։

Գերատեսչությունում ճշտել են, որ տեխնիկական ծառայությունները օպերատիվ կերպով վերացրել են խնդիրը։

«Տագնապի ազդանշանները գործարկվել են տեխնիկական անսարքության պատճառով, և անսարք տարրը անմիջապես վերանորոգվել է», — ասվում է հայտարարության մեջ։

Երկրի իշխանությունների տվյալներով, ահազանգման համակարգը արագ վերականգնվել է և շարունակել է աշխատել բնականոն ռեժիմով։