Իտալիայի ափերի մոտ 6,2 մագնիտուդով երկրաշարժ է գրանցվել

Իտալիայի ափերի մոտ 6,2 մագնիտուդով երկրաշարժ է գրանցվել։ Այս մասին հայտնել է Եվրոպական-միջերկրածովյան սեյսմոլոգիական կենտրոնը (EMSC)։

Կառույցի տվյալներով՝ ստորգետնյա ցնցումները տեղի են ունեցել UTC ժամանակով 22:12-ին (Երևանի ժամանակով՝ 02:12-ին) Մեսինա քաղաքից 124 կիլոմետր դեպի հյուսիս ընկած տարածքում։ Երկրաշարժի օջախը գտնվել է մոտ 240 կիլոմետր խորության վրա։

Այս պահի դրությամբ տուժածների կամ ավերածությունների մասին տեղեկություններ չեն ստացվել։

Համեմատության համար նշենք, որ մայիսի 28-ին սեյսմոլոգները 5,2 մագնիտուդով երկրաշարժ էին գրանցել Ալյասկայի ափերի մոտ։ Դրա էպիկենտրոնը գտնվում էր Ադակ կղզուց 47 կիլոմետր հեռավորության վրա, որտեղ 350-ից պակաս մարդ է ապրում։

Ավելի վաղ մասնագետները նախազգուշացրել էին Ստամբուլի տարածաշրջանում հնարավոր ուժգին երկրաշարժի մասին՝ նման իրադարձության հավանականությունը գնահատելով մոտ 48%։ Գիտնականները շարունակում են հզոր ստորգետնյա ցնցումների կանխատեսման նոր մեթոդներ մշակել։