Իրանն ունի խաղաղ նպատակներով ուրանը հարստացնելու բոլոր իրավունքները. Լավրով
Իրանն, ինչպես Միջուկային զենքի չտարածման մասին պայմանագրի ցանկացած այլ պետություն, ունի խաղաղ էներգետիկ նպատակներով ուրանը հարստացնելու լիակատար իրավունք։ Ինչպես «Արմենպրես»-ը տեղեկանում է ՏԱՍՍ գործակալությունից, այս մասին մայիսի 18-ին հայտարարել է Ռուսաստանի արտաքին գործերի նախարար Սերգեյ Լավրովը։
«Հիմնական սկզբունքը կայանում է նրանում, որ Իրանն, ինչպես Միջուկային զենքի չտարածման մասին պայմանագրի ցանկացած այլ պետություն, ունի խաղաղ էներգետիկ նպատակներով ուրանը հարստացնելու լիակատար իրավունք», – ասել է Լավրովը։
Նա նաև նշել է, որ Մոսկվան կաջակցի Իրանի շուրջ ստեղծված իրավիճակի ցանկացած լուծման, որի հետ բանակցող կողմերը՝ Թեհրանը և Վաշինգտոնը, կհամաձայնվեն և պատրաստ կլինեն ընդունել։
