Թրամփը Չարլզ III-ի այցի ժամանակ խախտել է թագավորական արարողակարգը
ԱՄՆ նախագահ Դոնալդ Թրամփը ողջունելիս ձեռքով հպվել է Մեծ Բրիտանիայի թագավոր Չարլզ III-ի ուսին՝ այդպիսով խախտելով թագավորական արարողակարգը։ Այս մասին գրում է բրիտանական «Daily Mail» թերթը։
Դա տեղի է ունեցել պետական այցի առաջին օրը, երբ թագավորական ընտանիքը ժամանել է Սպիտակ տուն։
Մարմնի լեզվի մասնագետ Ջուդի Ջեյմսի խոսքով՝ թագավորական ուսին դիպչելը, կարծես քաղաքական ժեստ էր Սպիտակ տան ղեկավարի կողմից։ Դրան նախորդել էր ԱՄՆ նախագահի ամուր ձեռքսեղմումը (որպես կանոն նա գործընկերոջ ձեռքն իր կողմ է քաշում)։
Բրիտանական միապետի պետական այցը, որն առաջինն է 2007 թվականից ի վեր, կտևի մինչև ապրիլի 30-ը։
Չարլզ III-ը և թագուհի Կամիլան Վաշինգտոն են մեկնել քառօրյա այցով, որը նվիրված է ԱՄՆ անկախության 250-ամյակին։
