«Հայոց ցեղասպանությունն ինձ համար քաղաքական հարց լինելուց առաջ նախ ընտանեկան պատմություն է՝ կորուստների և փրկության հրաշքի». Արմեն Աշոտյան
Արմեն Աշոտյանը գրել է. «Միշտ եմ ապրումներով գնացել Ծիծեռնակաբերդ։
Լինելով ցեղասպանություն վերապրած տոհմի ներկայացուցիչ՝ մանկությունից հիշում եմ լուսահոգի Եփրեմ պապուս և Ազատուհի տատուս ծանր պատմությունները այն մասին, թե ինչպես են իմ նախնիները հրաշքով մազապուրծ եղել սպանդից։
Հայոց ցեղասպանությունն ինձ համար քաղաքական հարց լինելուց առաջ նախ ընտանեկան պատմություն է՝ կորուստների և փրկության հրաշքի։
Երեկվա օրն էլ ավելի հուզումնառատ էր՝ 3 տարի անց, ազատազրկումից հետո, կրկին այստեղ էի, հայերիս համար սակրալ վայրում, որ փորձում են պղծել և ուրացության մատնել Հայաստանի ներկայիս կառավարիչները։
Ոչինչ չի մոռացվել։
Ոչ ոք չի մոռացվել»:
