Իրանի խորհրդարանի խոսնակ Մոհամմադ Բաղեր Ղալիբաֆը հրաժարական է տվել
Իրանի խորհրդարանի խոսնակ, ԱՄՆ-ի հետ հիմնական բանակցող Մոհամմադ Ղալիբաֆը լքել է բանակցային թիմը՝ Իսլամական հեղափոխության պահպանների կորպուսի (գեներալների) հետ անհամաձայնության պատճառով, հաղորդում է Իսրայելի «12-րդ ալիքը»։
Միևնույն ժամանակ, Ղալիբաֆը հերքել է ԱՄՆ նախագահ Դոնալդ Թրամփի պնդումը, որ Իրանի ղեկավարության մեջ կա պառակտում՝ կոշտ և չափավոր գծի կողմնակիցների միջև։
«Իրանում չկան արմատականներ կամ չափավորներ։ Մենք բոլորս «իրանցիներ» և «հեղափոխականներ» ենք։ Ազգի և կառավարության անսասան միասնությամբ և Հեղափոխության Գերագույն առաջնորդին լիակատար հնազանդությամբ մենք կստիպենք հանցագործ ագրեսորին զղջալ իր գործողությունների համար։
Մեկ Աստված, մեկ առաջնորդ, մեկ ժողովուրդ և մեկ ուղի, և այս ուղին տանում է դեպի Իրանի հաղթանակը, որը մեզ համար ավելի թանկ է, քան կյանքը»,- գրել է քաղաքական գործիչը սոցիալական ցանցերում։
