Թրամփն առաջարկել է ԱՄՆ ռեկորդային՝ $1,5 տրլն պաշտպանական բյուջե
Նախագահ Դոնալդ Թրամփն առաջարկել է ԱՄՆ-ի 2027 ֆինանսական տարվա պաշտպանական բյուջեն սահմանել $1,5 տրիլիոն, ինչը մոտ 40%-ով գերազանցում է նախորդ տարվա ցուցանիշը։
Ավելի քան $750 միլիարդ նախատեսվում է ուղղել սպառազինությունների մշակմանը և գնմանը, ներառյալ նավաշինության ընդլայնումը, F-35 և նմանատիպ կործանիչների ծրագրերը, ինչպես նաև «Ոսկե գմբեթ» (Golden Dome) հակահրթիռային պաշտպանության համակարգը։
Բյուջեն նախատեսում է նաև ծախսերի ավելացում անօդաչու թռչող սարքերի, արհեստական բանականության (ԱԲ), զինամթերքի և ռազմական ենթակառուցվածքների համար, ինչպես նաև զինծառայողների վճարների բարձրացում և ներդրումներ արդյունաբերական բազայում։
