«Լիվերպուլն» արտակարգ հանդիպում է անցկացրել Սլոթի ապագան քննարկելու համար. Sky
«Լիվերպուլը» Անգլիայի գավաթի քառորդ եզրափակչում «Մանչեսթեր Սիթիից» կրած 0:4 հաշվով պարտությունից հետո արտակարգ հանդիպում է անցկացրել՝ գլխավոր մարզիչ Արնե Սլոթի ապագան քննարկելու համար, հաղորդում է Sky Sports-ը։
«Լիվերպուլը» պետք է որակավորվի Չեմպիոնների լիգայի համար, հակառակ դեպքում Արնե Սլոթը կկորցնի իր աշխատանքը։ Շաբաթ օրը՝ ապրիլի 4-ին, «Լիվերպուլը» կրեց մրցաշրջանի 15-րդ պարտությունը։
Սլոթը «Լիվերպուլի» ղեկը ստանձնել է 2024 թվականին և թիմի հետ նվաճել է 2024/25 մրցաշրջանի Անգլիայի Պրեմիեր լիգայի տիտղոսը։
«Լիվերպուլը» ներկայումս զբաղեցնում է Անգլիայի Պրեմիեր լիգայի աղյուսակի հինգերորդ հորիզոնականը՝ ակտիվում ունենալով 49 միավոր:
