Կազմակերպությունը, որի անդամ է նաև Հայաստանը, պահանջ է ներկայացրել ՀԱՄԱՍ-ին. New York Times
Ըստ բանակցություններին ծանոթ չորս դիվանագետների՝ Խաղաղության խորհուրդը պահանջում է, որ ՀԱՄԱՍ-ը մինչև այս շաբաթվա վերջ ավարտի Գազայում ապառազմականացման համաձայնագիրը, ինչը կմեծացնի ճնշումը պաղեստինյան զինյալ խմբավորման վրա՝ իշխանությունը հանձնելու համար. գրում է The New York Times-ը:
Գազայում վեցամսյա հրադադարը վերահսկելու համար ստեղծված միջազգային մարմինը՝ Խաղաղության խորհուրդը պետք է պահանջի, որ ՀԱՄԱՍ-ը վերջնականապես հրաժարվի իր գրեթե բոլոր զենքերից և տրամադրի իր ստորգետնյա թունելային ցանցի քարտեզները:
Ըստ չորս դիվանագետների՝ Խաղաղության խորհրդի և ՀԱՄԱՍ-ի ներկայացուցիչները, ինչպես սպասվում է, երեքշաբթի կհանդիպեն Կահիրեում՝ շաբաթվա վերջին ապառազմականացման համաձայնագիր կնքելու համար:
Գազայի ապառազմականացման դեպքում, իսրայելական զորքերը դուրս կգան տարածքի մեծ մասից կամ ամբողջ տարածքից, ըստ The New York Times-ի՝ նշված է երկու պաշտոնյաների հաստատած Խաղաղության խորհրդի ներքին փաստաթղթում:
Կենսական նշանակության ապրանքների տարածք ներմուծման վրա Իսրայելի սահմանած սահմանափակումները կվերացվեն, իսկ զինյալներին ներում կշնորհվի:
Հիշեցնենք, որ Հայաստանը ևս Խաղաղության խորհրդի անդամ է։
