Խուլիգանության և համակարգչային հանցագործության մեղադրանքով ԱՄՆ կողմից հետախուզվող տղամարդը ձերբակալվել է օդանավակայանում
Համայնքային ոստիկանության «Զվարթնոց» օդանավակայանի բաժնի ծառայողների ձեռնարկած օպերատիվ-հետախուզական միջոցառումների շնորհիվ մարտի 29-ին Երևան-Մոսկվա չվերթի հաշվառումից հետո ձերբակալվել և բաժին է տարվել օտարերկրյա քաղաքացի 36-ամյա մի երիտասարդ, որը փետրվարի 11-ից ԱՄՆ Վաշինգտոն քաղաքի իրավապահների կողմից հետախուզվում էր խուլիգանության և համակարգչային հանցագործության մեղադրանքով․ խափանման միջոցը՝ կալանք։
Հայտնաբերման մասին հայտնվել է ՀՀ-ում Ինտերպոլի ԱԿԲ և դատախազությանը։
