«Կանազ»-ի հրդեհի վայրում իրականացվել են համալիր փորձաքննություններ, եզրակացությունը՝ սեղմ ժամկետում․ Փորձագիտական կենտրոն
«Հայաստանի Հանրապետության փորձագիտական կենտրոն» ՊՈԱԿ-ը հայտարարություն է տարածել, որում ասվում է․ «Մարտի 25-ին հրդեհ էր բռնկվել Երևան քաղաքի Ազատության պողոտայում գտնվող «Կանազ» մշակութային տան չգործող չորսհարկանի շինությունում: Չնայած իրավիճակի բարդությանը՝ մասնագիտական արձագանքը չուշացավ։ Հրդեհի մարումից ընդամենը ժամեր անց, երբ տարածքը դեռ գտնվում էր հետևանքների անմիջական ազդեցության տակ, Փորձագիտական կենտրոնի մասնագետներն արդեն դեպքի վայրում էին:
Իրականացվել են համալիր փորձաքննություններ հետևյալ ուղղություններով.
Հրդեհատեխնիկական փորձաքննություն-կրակի առաջացման օջախի և պատճառների բացահայտում:
Շինարարական փորձաքննություն-կառույցի ամրության և վնասվածության աստիճանի գնահատում:
Ապրանքագիտական փորձաքննություն-գույքային և նյութական վնասի հաշվարկում:
Մեր փորձագետների օպերատիվ աշխատանքի շնորհիվ հնարավոր կլինի սեղմ ժամկետներում ստանալ հրդեհի ամբողջական պատկերը և տալ մասնագիտական հստակ եզրակացություն»:
