Վրաստանից արտաքսվել է օտարերկրյա 105 քաղաքացի
Վրաստանի ներքին գործերի նախարարության փոխանցմամբ՝ երկրից արտաքսվել է օտարերկրյա 105 քաղաքացի: Այս մասին գրում է aliq.ge-ն։
Նախարարության պարզաբանմամբ՝ նշված անձանց, ըստ գործող օրենսդրության, որոշակի ժամկետով արգելվել է մուտք գործել Վրաստան:
ՆԳՆ-ի տարածած հաղորդագրության համաձայն՝ համալիր միջոցառումները վերաբերել են տարբեր երկրների քաղաքացիների: Նրանց թվում են՝ Թուրքիայի, Հնդկաստանի, Չինաստանի, Ռուսաստանի, Թուրքմենստանի, Ադրբեջանի, Հորդանանի, Մարոկկոյի, Բանգլադեշի, Մյանմայի, Մոլդովայի, Ուզբեկստանի, Ղազախստանի, Ղրղզստանի, Պակիստանի, Բելառուսի, Եգիպտոսի, Լիբանանի, Նեպալի, Սուդանի և այլ պետությունների քաղաքացիներ:
Նախարարության հաղորդմամբ՝ երկրից արտաքսման հիմք է հանդիսացել Վրաստանում առանց օրինական հիմքերի գտնվելը:
«Ընթացիկ տարվա վիճակագրական տվյալների համաձայն՝ Միգրացիայի դեպարտամենտի աշխատակիցներն իրականացրել են Վրաստանում առանց օրինական հիմքերի գտնվող օտարերկրյա պետությունների 806 քաղաքացիների արտաքսում»,- ասված է ՆԳՆ հաղորդագրության մեջ:
