Իրանը և Իսրայելը հայտարարել են նոր փոխադարձ հարվածների մասին
Իրանական ուժերը հերթական հրթիռներն են արձակել Իսրայելի ուղղությամբ: Այս մասին հաղորդել է Tasnim գործակալությունը:
Գործակալության տվյալներով՝ բալիստիկ հրթիռները գլխավորապես ուղղված են հրեական պետության հյուսիսային մասին:
Tasnim-ը նաև հաղորդել է, որ Իրանի բանակն անօդաչու թռչող սարքերով հարված է հասցրել Սաուդյան Արաբիայի «Արքայազն Սուլթան» ավիաբազային, որտեղ տեղակայված են ամերիկյան ուժեր:
Իսրայելն էլ հաղորդել է, որ հարվածներ է հասցրել Իրանի ենթակառուցվածքներին, մասնավորապես՝ Սպահանում։
Իր հերթին, Ash-Sharq հեռուստաալիքը հայտնել է, որ ավիահարվածների են ենթարկվել Իրանի խոշորագույն քաղաքները. ինտենսիվ կերպով ռմբակոծվել են Թեհրանը, Մաշհադը, Սպահանը, Շիրազը և Պարսից ծոցի ափին խոշորագույն նավահանգստային քաղաքներից մեկը՝ Բենդեր Աբբասը:
Ավիահարվածների հետևանքով վնասների կամ հնարավոր զոհերի մասին դեռևս տեղեկություններ չկան:
